Spørsmål til tekst 2 – faktatekst

Les teksten og skriv rett svar.

Flaggermus

Flaggermusene er dei einaste pattedyra som kan fly. Dei søv om dagen
og flyg om natta. Flaggermusene ser dårleg, men høyrsla er svært god.
Dei sender ut høge lydar når dei flyg. Når lyden treffer noko, blir han send tilbake.
Slik kan flaggermusene bruke øyra til å orientere seg. Flaggermusene et insekt
og frukt. Flaggermusene i Noreg ligg i dvale om vinteren.
Da er kroppstemperaturen svært låg, rundt 0 grader celsius.
Ungane til norske flaggermus blir fødde i juni eller juli. I dei første vekene ber
mora ungane mens ho flyg og leiter etter mat.

Kva dyregruppe høyrer flaggermusene til?

Når er flaggermusene aktive?

Kva er den viktigaste sansen til flaggermusene?

Kva et flaggermusene?

Kva er kroppstemperaturen til flaggermusene om vinteren?

Når blir ungane til flaggermusene fødde?